Santa Cruzan kontra privatization sa Carbon

CEBU, Philippines — Nanawagan ang alyansa sa Save Carbon Public Market Movement batok sa privatization pinaagi sa paglusad og Santa Cruzan prosesyon diin ilang gipasundayag ang ilahang yangungo, kagahapon Mayo 29, 2026.

Gisugdan ang kalihokan og Santos nga Misa, alas 8:00 sa buntag diha sa Filipina Independiente Cathedral ug gisundan og prosesyon hangtod sa Carbon Public Market.

Nitambong sa maong kalihokan ang nagkadaiyang membro sa komunidad lakip ang Kristiyano ug mga Muslim nga vendors, ug mga tao nga nisuporta sa ilang kawsa.

Gipahigayon ang maong kalihokan aron sa paghangyo ngadto sa kagamhanan nga paminawon ang ilang yangu-ngo dili ra sa mamaligyaay lakip ang konsumidor, ug concerned citizens.

Ang mga Rayna nagsul-ob og mga sanina nga nagpakita og mga panawagan sama sa nagkanayon nga “Save Carbon, the people market! Junk JVA.”

Si Maria Buanghug Chairman sa Cebu City United Vendors Association (CCUV), nagkanayon nga dili sila babag sa modernization o pagpanindot sa merkado. Apan babag sila sa privatization.  Ang privatization sa konteksto sa Carbon Public Market nagpasabot nga ang pagbalhin sa pagdumala ani gikan Cebu City government ngadto sa private developer nga Megawide Construction Corporation pinaagi sa 50 ka tuig nga Joint Venture Agreement (JVA).-- Rachel E. Wences lao CNU Intern, IBM BANAT NEWS