Prayoridad ang edukasyon

Medyo Maldito, magpatambag unta ko nimo pero dili about sa lovelife. Mangutana unta ko unsa’y buhaton nako nga daghan man og dili ganahan nako? Sa among school, focus ra gyud ko sa akong studies.

Maong mananing ko kay ganahan man ko dako ko og grado. Wala lang ko kasabot, dili man ganahan  nako ang akong classmates. Tawagon ko nila’g “others” kay dili ko sige og kuyog nila. Wa lang sila kahibalo nga dili kaayo ko makiglaag nila kay gamay ra akong allowance.

Dili pud ko ganahan nga maglaag mi, mangaon sila unya ako kay magtan-aw ra.

Dili pud ko ganahan nga magpalibre lang pirmi. Masakitan ko usahay sa ilang mga libak nako maong mangayo unta ko’g tambag nimo unsa’y maayo nakong buhaton. Ashley.

* * *

Unsa’y angay nimo’ng buhaton? Wala ra. Padayon ra ka sa imong gabuhaton karon. Ayaw pagbag-o tungod lang sa imong mga nadunggan nga pangdaot nila nimo. Kung kahibalo ka nga sakto imong gibuhat, padayon lang.

Basin ang uban ana nila, nasuya ra nimo. You cannot please everyone and that is okay. Importante, kahibalo ka sa imong priority, which is ang pag -study og tarong.

Naa man gyud na’y opinion nimo ang ubang tawo, maayo man o dili, just take it. Ang uban ana, makatabang sa imong growth. Pero ang uban, dili na nimo kinahanglan pansinon aron naa ka’y peace of mind.

Kahibalo ta nga dili tanan tawo maganahan nato ug okay ra gyud kaayo na. Dili nimo sila kinahanglan pugson nga ganahan sila nimo.

Be positive lang gyud pirmi. Focus atong tawo nga love ka.

As long as wala  ka nakapasakit sa uban, you are certainly doing great. Ayaw paapekto sa isulti  sa laing tawo nimo. Huna-hunaa nga ang audience impact, 10% ra.