Pagpaduol sa crush

Call me Beshie, taga Cebu City ko. Unsa imong ma-suggest nga buhaton nako aron makuha nako akoang crush, Medyo Maldito?

Naa ko’y gusto nga laki pero di ko kahimo og move kay sa atoang culture, di maayo tan-awon kung babaye ang mag- una-una.

Unsa man akong buhaton nga ma- akoa akong crush nga di ko murag desperada tan-awon?

* * *

Naa ko’ 3 tips para nimo aron ma imoha ang imong crush. Number 1, pag-ampo. Salig lang, ampo lang gyod og maayo.

“Dear Lord, kung di man gani siya maakoa, ihatag na lang ko niya.” Mga ingon ana nga klase sa pag-ampo. Bitaw, ayaw lang gud pugsa kung di gyod siya nimo. Dili  man na gugma. Second tip nako nimo, dapat kahibaw ka unsa ang iyang mga gusto.

Hobbies, pagkaon, mga duwa, aron kahibaw ka unsa inyong istoryahan kung kuyog mong duha. Kung love nimo siya, ug di ka niya love, pero naa siya’y gusto nga hilig pud nimo, at least naa mo’y something in common.

Kung ga-gym siya, pag-gym pud kung asa siya ga-work out. Kay ingon nila, kung bati ka’g nawong ug bati pa gyod ka’g lawas, pag-gym aron bati na lang ka’g nawong.

Number 3, be yourself. Unsaon man na nimo kung gusto na ka niya pero ang dili tinuod nga ikaw diay iyang nagustohan? Maong be yourself aron kung di ka niya madawat for being you, okay.

Pero kung madawat niya ang imong pagka ikaw, mas okay. Kung kana nga tips di gihapon mo work, pag-pray na lang utro. Ang imong iampo, ingon ani: “Lord, kung di man gyud ko maka-uyab karon, sige lang.

Bahala’g single ko, okay ra, basta single lang pud akong barkada.”