Nagbuwag o wala?

Medyo Maldito, ako si Layla. Naa ko’y uyab pero nikalit lang mi’g ka cold sa each other. Mutual na among feelings nga dili  na mi ganahan sa usa’g usa. Okay man among relationship pero nawad-an na mi’g gana.

Niabot na sa point among relationship nga dili na mi happy duha. Magsige nalang mi’g lalis, mag sige og away kung magkuyog mi duha.

Ingon akong friends, makita daw nila akong uyab nga naa’y laing kalaag. So, wa sad ko palupig.

Nakig-meet pud ko’g laing mga tawo. Dili  na nako siya love. Pero akong pangutana lang, kinahanglan pa ba gyud mi’g closure?

* * *

Maypa ang Boracay, naay closure. Kamo? Kinahanglan ba gyod nga naa’y closure ang usa ka relationship before ka mo ingon nga wala na gyud? Para nako, oo. Kay for me, ang closure, mura’g diploma.

Mao ni imong proof nga ni- graduate na ka. Ni- graduate na ka niya. Kay lisod kaayo na’ng wa mo’y closure duha. Pwede siya mo balik anytime unya mo ingon ra’g “NAGBUWAG NA BA DIAY TA?”

“Diba, wa man ta nag- buwag?”. Huna-hunaa kung unsa ka lisod ang situation kung ikaw, naningkamot na’g move on kay lagi, wa na siya.

Nikalit lang og kawagtang. Sa time nga hapit naka maka- move on, gamay nalang gyuy kuwang, anha siya mobalik.

Kay love paman nimo, mo balik na sad ka niya ug wa ka kahibaw unsa napud ang mahitabo.

So mas maayo nga naa mo’y closure duha aron nagkasinabot na mo nga human na gyud ang tanan.

Kung makakita naka’g bag-o, di na siya magsinamok nimo.

Basin baya og naa naka’y bag-o unya kalit lang siya magparamdam para samok-samokon mo kay wa pa mo’y tarong nga pagbuwag.

So kung wa namo’y klaro duha, pag- istorya mo. Pagstorya mo kung i-save pa ba ninyo inyong relationship duha o mo-give up na mo ug mag sugod na’g move on.