Chaperon
Nidunggo sa pantalan sa Maya ang m/v Charol gikan sa isla sa Malapascua.Paghagsa sa damyo, unang nanaug si Hannah, nagsambilay sa iyang backpack. Gisundan ni Samuel, hinigugma sa nauna. Gikan sila sa nindot nga isla nga giilang usa sa mga kinaham nga tourist destination sa Sugbo. Nag-date sila og tulo ka adlaw. Nagsaulog sa ilang first anniversary sa ilang relasyon. Nagpaulahi og kanaug si Gemma, biyuda, retiradang maestra, inahan ni Samuel.
“I hope you had a good time”, ni Samuel nga mapahiyomon ngadto ni Hannah sa paglusad nila sa sementadong karsada sa pantalan. “To tell you honestly, I did not enjoy our vacation. Because we had no privacy. You have a chaperon. Your mother who is like a watchdog all the time”, ni Hannah.
Nagkinto kanunay si Hannah atubangan ni Gemma. Pinugngan iyang lihok. Magkaistorya lang sila’g silasila lang sa ilang mga sekreto kun mangaligo sila sa dagat. Adto sila sa lawom nga dapit diin dili makasunod si Gemma. Naglabi gani ilang lalis tungod ini. “Naunsa man ka? Mama’s boy man diay ka! Ako mismo, dili kahingilin sa imong inahan. Pero angay gyud unta nimong giingnan, lalaki ka, husto na’s edad. Wa ka nagkinahanglan og chaperon!” ni Hannah dihang sila rang duha sa dagat. “Mamugos man gyud. Di man pabalibad. Manuyo mag di pakuyogon”, ni Samuel dalang ping-it. “Computer engineer ka. Makabarog na’s imong kaugalingon. Pasabton nimo nga way labot ang inahan sa matters of the heart sa iyang anak. Nasayod ko nga manghimbis siya nako.
Apan wa ko kauyon sa iyang kinaiya. Sobra siya ka possessive ug controlling nga pagkainahan. She wants to control you. And you were so submissive”, ni Hannah, usa ka CPA, chief accountant sa Green Meadow Realty.
“Sorry kaayo. Di na mausab sunod higayon”, ni Samuel. “Ambot kun may sunod higayon pa ba. I have to break this to you gently. I have second thoughts regarding your proposal of marriage”, ni Hannah. Nakaginhawa’g lawom si Samuel. Ug nakapanghupaw. Nibunok ang uwan. Nanagan sila.
- Latest
