Love Story

Dear Banat News,

Maayong hapon sa Banat News readers. Ako diay si Karen, 18 years old ko karon ug naa unta koy i-share nga story bahin nako ug sa akong ex- boyfriend. Sukad nga nag-eskwela ko og college sa usa ka university, naila-ila nako ang cute kaayo nga guy nga si Stephen.

Classmate mi sa usa nako ka minor subject. Ganahan kaayo ko niya kay gentleman ug bright pa gyud.

Wala gyud ko mohimo og moves kay lain kaayo paminawon nga mag-una una ang babaye. Nangita lang ko og paagi nga magkasuod ug mapansin niya ang akong beauty. Naabot gyud ang mga adlaw nga nagkasuod mi, ug permi na mi magdungan og lunch sa canteen ug kanunay na pud mi sungogon sa akong friends.

Wala nako damha nga ma-develop si Stephen kanako, nidiskarte siya, siyempre,  ako dayon nga gisugot kay dream come true na baya na. Lami baya ang feelings nga mauyab nimo ang guy nga imong giganahan. Grabe kaayo siya ka-sweet nga uyab, ug caring pa gyud kaayo. Gipaila-ila na nako siya sa akong pamilya, ug welcome usab siya sa akong barkada tungod sa iyang kabuotan. Bisan kinsa seguro nga girl, makaingon gyud nga perfect na kaayo ang guy nga buotan ug guwapo.

Daghan ang nagsige og flirt ni Stephen apan puros niya gidedma. Pabasahon ko niya sa mga tawong mo-text ug mo-chat niya. Nakita gyud nako nga honest gyud siya, ug dili gyud siya magpatintal sa ubang girls. Ang nakanindot pa gyud kay dili siya seloso nga pagkalalaki busa matawag gyud nga malinawon ang among relasyon.

Apan pag-abot og walo ka buwan sa among relasyon, katagsa na lang magpakita si Stephen nako. Ang rason niya kay busy siya sa iyang projects. Naabot na pud any time nga tagsa na lang gyud siya mo-text nako, muabot og usa ka buwan kapin nga nagka-walay klaro ang among relasyon tungod sa iyang ka-busy,

Kay love man nako, nisabot ra ko, pero duna ko’y nadunggan na nga mga istorya gikan sa ubang tawo.

Duna’y nisulti nako nga maya daw si Stephen apan wala ko nituo dayon. Lalaki man gud kaayo ang linihokan niya , maong wala gyud ko nakumbinser sa istorya.

Pero dili malikayan nga dili ko mahimutang sa mga istorya maong ako na lang gibantayan ang mga lihok ni Stephen. Dugay nako nakabantay nga duna gyud siya’y permi ka-text nga ginganlan Clifford,  mo ana siya nga iyaha daw nang best friend nga guy nga taga Davao.

Sa una pa gyud, salig nako kang Stephen maong dili mi hilig mangukay sa tagsa-tagsa namo ka mga cellphone.

Duna’y higayon nga nag-overnight mi niya sa usa ka resort. Samtang natulog si Stephen, akong giukay ang inbox sa iyang phone ug didto gyud nako nabasahan ang sweet kaayo nga conversation nila ni Clifford ug naka-conclude ko nga  uyab diay sila anang tawhana.

Mao to akong gi-confront si Stephen pagka-sunod adlaw niana. Ako na mismo nga nihukom nga tuldokan namo ang among relasyon ug ako na lang siya pasagdan nga ma-happy kang Clifford. Ako ihatag ang gusto niya nga kalipay. Gidawat niya ang akong hukom ug grabe ang pagsige og sorry niya kanako. Niangkon siya nga kadtong time nga wala’y klaro ang among relasyon, mao to nga higayon nga nibisita diay sa Cebu si Clifford ug sila ang nagsige og uban.  Ako siyang gipasaylo kay wala na man koy mahimo, ang importante  nga  ako siyang  buhian aron matagamtam niya ang tinud-anay nga kalipay uban kang Clifford nga iyang uyab. Request lang ko sa lyrics sa Can’t We Try by Dan Hill.

Hi Karen! Thank you so much sa imong LOVE STORY! Paabuta ugma puhon ang imong request.