Naglisod og move on

Medyo Maldito,

I'm Ryan, not my real name. Bag-o lang mi nagbuwag sa akong uyab. Nagdugay among relationship almost 3 years. Wala lang ko kasabot nganong paspas kaayo siya naka-move-on nako. I thought sa among duha siya ang mas na in love namo. Pero sayop gyud diay ko. After mi nagbuwag naka kita siya'g puli nako mao nang nasakitan gyud ko'g samot.

Basin gani uyab na sila daan sa wa pa mi nagbuwag. Sa karon despirado na kaayo ko maka-move on niya maong nanggamit ko'g tawo para mahimong rebound. Tawgon lang nato'g Jane ang akong rebound. Kini si Jane bai grabe ka buotan nga babaye. Inosente kaayo and tungod ana makonsensiya gyud ko sa akong gibuhat  niya. Gamiton ra nako siya aron akong mapakita  sa akong ex nga naka-move on na ko while hoping nga magselos akong ex.

Pero I think it's not gonna work kay happy na man to siya sa iyang lovelife karon. Wa lang ko kahibalo  kung maayo bang magpadayon pa mi ni Jane o muhawa na lang ko mintras sayo pa. Unsa may angay nako'ng buhaton, Medyo Maldito?

* * *

Ryan, ayaw'g kabalaka kung wala pa ka ka-move-on sa imong ex. Dili  tungod naka move on na siya nimo required pud nga mag-move on na pud ka niya. Dili  man na marathon ang pag-move on. Ayaw pagdali okay ra man nang dili  mo kapareho kapaspas mag-move on. Ang dili okay kanang manggamit ka'g tawo aron makalimtan siya. Ang pag-move on, mura'g samad. Ayaw butangi og band aid imong samad kung gadugo pa. Ayaw pangita'g lain kung gusto pa gihapon nimo siya. Since naa naman na si Jane sa imong kinabuhi karon, estoryahi  siya. Ingna nga mas maayo siguro nga magbuwag na lang mo kay in love pa gihapon ka sa imong ex. Pasabta si Jane nganong kinahanglan mo magbuwag. Ayaw og pamiya lang og kalit. Don't leave her hanging kay dili  siya hinayhay. Maayo nimong buhaton ron, dawaton nimo nga wala  na gyud mo's imong ex. Dawaton nimo nga happy na siya bisan og wala ka. Ayaw na og kupot anang gamay nga chance nga magbalik pa mo'ng duha.