Panimalos

Hapon kadto, pinangga, nga giangkon mo

Ang akong halok. Nindot kaayo ang atong awit

Kay  kita gyong duha ang nagtagik. Matud mo,

Dili gyud mahitabo nga mabuak ang salamin sa

Duha ta kasingkasing, ni mapusgay ang mga balod

Nga tua didto sa lawod sa atong gipanumpaan.

Imo kong gitalikdan.  Sakit, sama kasakit sa talinggab

Milagbas sa akong dughan. Buot ko kining ibton, apan

Unsaon nga nagtaop na man kini. Ug dili na maibot

Kay ang gikuwadrong mga panumpa daw kadena nga

Nagbalighot sa magul-anong kagahapon.

Hapon karon, ug sama sa kahapunon ning kinabuhi

Gusto kong handumon ko ikaw, ug hagkan ang mga bunbon

Sa lapyahan aron hikalimtan ko na ang tanan.

#Hugot

Nahigugma ka na ba? Nagpuyo ka ba sulod sa usa ka matam-is nga relasyon? Napukan ba ang imong paghigugma? Giluiban ka? Gibiyaan?  Nagmaoy ka ba? Mibalik ba ang binuhat nga nagpapitik sa imong kasingkasing? Puno ka ba sa inspirasyon? Gikilig? Bisan unsa pa man ang imong gibati karon, angayan nimo ka na nga ipabuhagay pinaagi sa pagbalak!

Ug sa dili madugay, ang inyong kinaham nga Banat News Kalandrakas, mumantala na nianang maong BALAK nga namugna gumikan sa kalipay ug kasakit nga nasinati human ka nahigugma, gihigugma ug buot mahigugma.

Ipadayag ang imong HUGOT sa gugma! Ipadala   pinaagi sa pag-like sa atong Facebook Page nga: Banat News. Didto ninyo ipadala ang inyong mga HUGOT BALAK sa gugma. Mahimo sab nga pinaagi sa snail mail:

Hugot Balak

C/o Banat News  V. Gullas St., cor. D. Jakosalem St.  Barangay Santo Niño 6000, Cebu City,  Philippines