Ang panumpa sa gugma
Gisaaran mo ako …
nga imong mahalon;
basta ang gugma mong gihalad
akong-kinasingkasing dawaton!
Unya, karon ako …
sa hingpit gayod naangkon;
hain ang imong mga saad
nga sa kanunay unongan?
Ang panumpa mo, sa gugma …
usa ikaw ka salingkapaw;
dila mo maayo lang sa tagawtaw
apan mga pulong nimo, sama sa baraw;
nga sa panahon sa kagabion mamingaw ning biniyaan,
kanunay’ng gihanduraw!
Asa kana, ikaw karon, pangitaa?
Oh bakakon sa gipanumpaang gugma?
Bisan sa tiilan sa bangaw ug adlaw …
Didto sa sidsid, sa langit, mitambilagaw;
ang matahom mong larawan gihanduraw
ning kagabhion, nga labing mamingaw!!!
#HUGOT
Nahigugma ka na ba? Nagpuyo ka ba sulod sa usa ka matam-is nga relasyon? Napukan ba ang imong paghigugma? Giluiban ka? Gibiyaan? Nagmaoy ka ba? Mibalik ba ang binuhat nga nagpapitik sa imong kasingkasing? Puno ka ba sa inspirasyon? Gikilig? Bisan unsa pa man ang imong gibati karon, angayan nimo ka na nga ipabuhagay pinaagi sa pagbalak!
Ug sa dili madugay, ang inyong kinaham nga Banat News Kalandrakas, mumantala na nianang maong BALAK nga namugna gumikan sa kalipay ug kasakit nga nasinati human ka nahigugma, gihigugma ug buot mahigugma.
Ipadayag ang imong HUGOT sa gugma! Ipadala pinaagi sa pag-like sa atong Facebook Page nga: Banat News. Didto ninyo ipadala ang inyong mga HUGOT BALAK sa gugma. Mahimo sab nga pinaagi sa snail mail:
HUGOT BALAK
C/o Banat News V. Gullas St., cor. D. Jakosalem St.
Barangay Santo Niño 6000,
Cebu City, Philippines
- Latest
