Viva Pit Senyor

First year high schooL pa lang sila si Barbie ug Samuel nga nagkahigugmaay.

"Samuel, unsaon na lang kun magbunga kini atong gibuhat karon dinhi sa mabugnawong dapit? Nagtungha pa kita," ni Barbie nga nigakos ni Samuel sa gihigdaan nilang kama sa maong hotel. Paglabay sa pipila ka bulan kalit lang nahanaw si Samuel, sama sa buwa.

Paglabay sa pipila ka bulan nanganak si Barbie og himsog nga batang babaye.  Iyang gibilin sa suod niyang amiga nga si Theres ug nipauli siya sa Catarman nga morag walay nahitabo kaniya. Nagpabilin siya didto, ug nitabang sa iyang inahan pagpaninda og isda.

Human sa mga katuigan, nibalik si Barbie sa Cebu aron pangitaon si Theres. Pero wala na niya makita pa. Nitambong siya sa misa sa balaang bata sa iyang kapistahan. Gilibot niya ang bagang duot sa mga tawo apan kalit siya'ng nawad-an og panimuot. Gidala siya pagdali sa ospital.

 Unya didto sa unahan may kaguliyang sa mga tawo kay may babaye nga gikuotan, gigukod nila ang batang mangunguot. Apan kalit lang nahanaw.

"Miss, ok ra ka? Diay tubig o, para pakalma. Ako diay si Dante", sa lalaki nga macho.

"Ako usab si Jenneth. Importante kaayo na ko tong pitaka kay atoa didto ang matuod kong inahan nga dugay ko nang gipangita," ni  Jenneth.

Sa tanto nilang lakaw wa hibaw-i naabot sila sa Vicente Sotto Hospital ug iyang nasiplatan ang bata, ilang gigukod uban ni Dante ug kalit nisulod sa maong tambalanan. Nakita nila ang bata nga giitsa ang pitaka ngadto sa usa ka pasyente nga naghigda. Nitiurok si Jenneth atubangan sa pasyente ug nilugmaw ang iyang mga luha kay ang hulagway sa sulod sa iyang pitaka mao ang pasyente nga naghigda sa katre.

"Kinsa ka?" pangutana ni Barbie. Ako kini Nay, ang imong anak nga gibilin sa suod mong higala nga nitaliwan na, si Nanay Theres?" ni Jenneth uban sa pagsiyagit og Viva Pit Senyor. (Katapusan)