One-sided love

Hi Medyo Maldito, ako si Catherine. Naa ko’y nagustohan kaayo nga lalaki. In love kaayo ko niya. Di mi uyab pero attached na kaayo ko niya. Siya man gud, usahay maghatag pud siya og motibo maong magdahom pud ko. Mao na akong problema, one sided love among show. I tried to confess niya sa una pero iyang reply nako kay HAHAHAHA ra intawon.

Di daw siya mo too nako so wa nalang pod ko namugos. Maong taman nalang gyod ko's iyang mga social media accounts mang- stalk kay mura'g wa naman gyod mi pag-asa. Unsa may angay nakong buhaton nga malimtan nako siya? Unta matambagan ko nimo. I'm a fan!!

* * *

Cath, everything is temporary. Apil na imong feelings para niya, temporary ra pod na. Ballpen gani mawala, feelings pa kaha. Lisod gyud na's sugod pero ma-okay ra ka. Okay ra nga mag huna-huna ka niya; sa inyong mga memories together. Pero wala nagpasabot nga tungod kay okay ra, magpabilin ra pud kang ingon ana. Kay in the end, masakitan ra ka. Paningkamot nga maka-move on ka. Ayaw ko'g ingna nga di nimo kaya , kay kaya gyud na nimo. Dili tanan nag -move on, gibuwagan.

Kay ang pag move- on, dili na para lang sa mga mag- uyab. Alang pud na sa mga tawo nga nadawat na nila nga dili  gyud sila ang para sa usa'g-usa, sama sa imong sitwasyon karon.

Sa imong giingon, usahay, feeling nimo ganahan siya nimo. Pero ingnon lang tika, lahi nang tawo nga gusto ka, sa tawo nga buhaton ang tanan aron dili ka mawala niya. Aron maka move- on ka niya, undang na og papansin. I-mute or i-unfollow iyang mga updates sa iyang social media account.

Undang na'g pang stalk kay ikaw ray masakitan ana. Kung tawgon ka nila'g bitter, pasagdi. At least naningkamot ka'g move on. Dili pareha anang uban diha nga sige ra gihapon og huwat sa wala.