Kiliran sa pekeng Eba - Gula 32

Walay nahimo ang ulitawo gawas sa pagsunod na lang ni Eser. Sa kalsada nga gisubay sa duruha, ubay-ubay usab nga kaila si Eser nga nakakita sa ilang panagkuyog, nakaila usab sila ni Carlo. Kasagaran kanila, mga susama kang Eser, usa ka bayot. Nagpangidaron si Eser og 40 anyos.

"Wow, bongga..alams na.!" Matud pa sa usa ka bayot nga ginganlan og Tingky nga diha  mahimutang sa atbang nga bahin sa kalsada.

"Pa-kolor bayot!.." pulong ni Eser ngadto kang Tingky nga ang buot ipasabot sa pakolor, dili magpaklaro. Milabang si Tingky aron mopaduol sa naglakaw nga Eser kuyog si Carlo. Way tingog-tingog ang ulitawo. Sa huna-huna sa lalaki, bahala na lang, wala man bitaw'y mawala niya kun mopatol siya’g usa ka bayot.

Mao man sab ang iyang amahan sa ulitawo pa ni. Kusog nga mamayot. Himoong pangwarta ang pagpamayot. Gigamit ang kagwapo ug kaanindot sa lawas aron makapalit sa unsay gusto niining paliton sa ulitawo pa kini. Dili gyud sila halayo ug sa iyang amahan.

"Ikaw na gyud mother. Ikaw gyud ang nakalangkat sa korona. Imagine, sa kadaghang bayot nga gustong mabooking si Carlo, ikaw pa nga Go......"wala mapadayon ang buot isulti ni Tingky, nga mao untay sumpay nga GOR o GORANG o Tiguwang nga bayot kay dali man kining nakabira sa taas nga buhok ni Tinky, medyo gisakitan ang bayot nga Tingky nga may pangidaron nga 19 anyos, "aray, mamira lang og buhok?!"

"Tak-oma nang baba nimo bayota ka! Basin og langkaton ko nang tanan nimong buhok ron nga pulos na nag brittle kay nasobrahan sa medisina sa buhok." Matud pa ni Eser kang Tinky.

"Lakaw na mo oy. Good luck, Carlo. Human unya ni Eser, ako na sad ha." Matud pa ni Tinky nga gingisihan lang ni Carlo.

Pipila ka lakang na lang, mao na ang parlor ni Eser. Gi-ablihan gilayon ang parlor ni Eser ug gipasulod si Carlo. Milingkud ang ulitawo.

Medyo daku-daku sab ang parlor ni Eser may aircon ug gipaandar sa bayot.  Gipreparar ang ilang kahigdaan. May kaugalingong banyo ang maong parlor, naligo ang bayot ug giagda usab sa pagkaligo ni Eser si Carlo. Naligo na lang sab si Carlo.

Human sa unang seremonyas, gisugdan na ni Eser ang main event. Bisan asa na lang nga bahin sa lawas ni Carlo ang gihagkan ni Eser. Mora gyud og nagkitkit og ungol nga lubi. Gitagbaw og maayo ang kaugalingon samtang way pupagana sa pag-agulo. (Sumpayan)