Adan Kaliwat ni Adan

Gula 31

"Hoy bayot kadiyot sah," pagpugong ni Lina kang Eser, mihunong si Eser sa unahan pagkadungog nga gitawag siya ni Lina milingi ang bayot sa nahimutangan sa duha.

"Ngano bruha?!" Matud ni Eser nga gidunganan sa paglihok sa tibuok lawas paatubang nilang Carlo nga morag mi-apil sa usa ka beauty pageant. May pina-kinto pa ang bayot  as if nga nagsul-ob og taas kaayo nga high heels. Miduol sila si Lina ug Carlo sa nahimutangan sa dili halayo sa ilang gigikanan.

"Unsa tong imong giingon?" pangutana ni Lina sa bayot.

"Nga adunay mobuto? Yes, adunay mobuto ugma ug magpista ang mga tsismosa ining dapita," daw pagpanghulga sa bayot nilang Carlo ug Lina.

"Wa kay kamatuoran bayota ka ayaw pataka'g tabi diha" miisa sa kumo si Lina nagpasabot nga makatilaw si Eser kun buhaton niini ang unsay gustong buhaton sa bayot.

"Hala chaka ang gobiyerno, nanghulga ang bruha di gyud ko mahadlok day nahibawo na baya ka kun unsay mabuhat sa bayot remember? Ikaw na lay pagbayot," matud pa ni Eser.

"Wala man mi gibuhat ni Lina, Ser ayaw intawon pataka unya og panabi," matud pa ni Carlo.

"Well, well, well.. di ko magpataka og tabibi basta patilawon ko nimo Carlo," matud pa sa bayot nga mikondesyon pa kang Carlo.

"Wala man sad kay angay itabi kay wa man gyuy nahitabo namo ni Lina, igo ra man namong gikuha ang iyang mga butang nga nahibilin didto sa kanhi niyang gipuy-an, matud pa ni Carlo.

"Weeeehhh!? Lina pa ka  tang-an pa sa tanang tang-an  mas abtik pa namong mga bayot," matud pa ni Eser ug midugang sa pag-ingon "kun wala pa moy gibuhat nganong mura’g nakurat man mo nga ipanabi ta mo?"

"Kun ako lang bayot wala ra gyuy kaso nako pero kini si Carlo ang akong gidepensaan dili ko gusto nga maulawan siya sa mga tabi-tabi nga way kamatuoran," matud pa ni Lina nga padayong namakak.

"Eseeee... tsur diha oy.. aksiyon man sad tag kabalaka balig ¼," matud pa ni Eser, nangagho si Carlo dayon miduol kang Eser ug miagbay niini.

"Ikaw ba makatilaw ra bitaw unya ka nako pero magpaabot ta sa tamang panahon," matud pa ni Carlo nga milambing kang eser.

"Wow,.. ala kalyeserye ang peg? Darating ang tamang panahon?" matud pa sa bayot nga miaksiyon nag kakilig.

"Carlo, ambi na lang nang akong bag bi  ayaw na lang ko’g ihatud sa balay. Makaya ra man nako ang akong mga butang," matud pa ni Lina.

"Tiaw mo na makaya ra man diay pero pasangil lang gyud nga magpatabang kay lain may gibuhat didto sulod sa kwarto." Malisyosong pulong ni Eser, gikuha ni Lina ang bagahe nga gibitbit ni Carlo, dayon mihunghong sa bayot.

"Paningkamot bayot kun naay mahitabo ninyo ni Carlo, kwits na ang akong utang ha Bavoshh good luck kun may matiti ka pa ba," matud ni Lina nga mipahiyom og dyutay dayong talikod nga nagbitbit sa duha niya ka bagahe. Gusto untang mosunod si Carlo sa babaye pero gibira sa bayot ang bukton sa ulitawo.

"Naa gyuy nahitabo ninyong duha no? Aminin... huwag mag deny pero bisag mo-deny pa ka Carlo, olarkes kamatis patis nga duna linapaay didto sa kanhing gipuy-an ni Lina. Klaro kaayo ang ulahing gisulti ni Lina, kun duna pa ba daw koy matiti nimo. Pero sure ko nga duna pa sa imong pangidaron ron sigurado ko nga daghan og pundo ang sugong," matud pa sa bayot nga mibuhakhak ug mas gihugtan pa ang pagunit sa bukton sa lalaki. Wala na lang motubag si Carlo hinuon nanghupaw na lang ni mihilom si Carlo sa makadiyot.

"Unya unsa may gusto nimong mahitabo karon?" pangutana pa ni Carlo sa bayot.

"Angay pang ipangutana? Pero yuna, mangutana ko nimo. Nganong dili man ka ganahang mopauli sa inyo?" Pangutana ni Eser sa ulitawo. "Dili lang gud ko ganahan." Tubag ni Carlo.

"Well, as I've said awhile ago, andam ang ganghaan sa akong parlor pagpasulod sa kaliwat ni Adan nga nangita sa iyang higdaanan. Unsa pa may atong gipaabot? Pasko? Bag-o rang natapos ang pasko." Matud pa ni Eser ug gibira si Carlo paingon sa iyang parlor. (Sumpayan)