Utanong Lawos

Gula 28

Lami ba Carlo?" Pangutana pa ni Lina nga nagtan-aw sa panagway ni Carlo nga dili masabot ang gibati.

"Mura man og duna....", matud ni Carlo nga wala matiwas kay misapaw si Lina sa pag-ingon, "mura’g naay mosuyop?", mi-agik-ik ang babaye ug mipadayon "mao ni gitawag og muscle control Carlo."

"Aw mao ba?" Bugtong pulong sa lalaki nga gipaspasan pa ang pagmaniho, si Lina usab nag-concentrate sa iyang gibuhat mura’g kawad-an sa iyang gininhawa samtang ang mata misulirap na.

Padayon ang kumbate nga si Carlo maoy nagpatong pipila lang ka minuto ang maong kumbati kay nakab-ot na man dayon ni Carlo ang gustong makab-ot. Samtang si Lina mura’g utanong lawos kapoy ang lawas. Hinay nga mipatighulog ang lawas sa ulitawo ibabaw sa lawas sa dalaga.

Human makapahulay og pipila ka minuto mitindog si Carlo. Gipamunit ang sapot ug nag-ilis. Samtang si Lina usab nagmaniho og iya aron usab makailis.

"Hinaut nga dili ni kataposan natong panagdulog ha Carlo," matud pa sa babaye.

"Ha? Unya kay layo na man ka," matud pa sa lalaki dungan sa pag-isa sa zipper sa iyang cargo shorts.

"Katol-tol man bitaw ka sa amoa adtoa lang ko kun bation ka'g kainit sa lawas. Ayaw'g kabalaka dili tika balibaran himoa kong suki." Pilya nga pagkasulti sa babaye nga gidunganan sa pag agik-ik og hinay.

"Sige, ikaw gud pero," matud ni Carlo nga wala matiwas ang gustong isulti.

"Pero unsa?" Pangutana ni Lina.

"Si papa," matud pa sa ulitawo nga gisundan og pagpanghupaw.

"Ngano man diay si papa nimo? Mahadlok ka nga mahibaw-an? Buwag na mi oy," matud pa sa babaye.

"Dili ba gud lain paminawon nga human sa akong amahan adto na sab ka sa anak ug ang anak sab daling misalo sa sinuka sa iyang amahan?  Nahibawo baya ang mga silingan  mahitungod ninyo ni papa," matud pa ni Carlo.

"Maguol man ka ana oy maulaw ka’g matsismis?" matud pa ni Lina. "Lain man gud paminawon immoral paminawon dili ba?" matud pa ni Carlo.

"Igo ra tang nagpagawas sa kainit sa atong lawas oy ayaw’g panumbaling anang mga tabi-tabi sa silingan. Mga tsismis kay kanang tsismis Carlo, init ra na sulod sa usa ngadto sa duha ka semana human ana wala na. Maanad nang mga tawo," matud pa sa babaye nga liberated kaayo.

"Ato lang ning isekreto Lin, dili ko ganahan nga mahibawo si papa. Niingon baya ko niya kadtong misulti siya nako kun ganahan ba daw ko nimo. Kun ganahan daw ko nimo dili siya mobabag," matud pa sa lalaki.

"Tiaw mo na okay ra nga mamahimong kita. Okay ra man gani ang imong amahan," pulong pa ni Lina.

"Pero ako na man gung giingnan si papa nga dili ko kay lain paminawon kay gikan niya,ari na sab nako. Giingnan ko pa gani si papa nga immoral kaayo paminawon busa kutob sa atong mahimo ato lang ning itago," pulong pa sa ulitawo.

"Aw, Ikaw gud mao man kahay imong gusto  okay, wa koy problema ana," matud pa sa babaye nga miuyon sa gusto sa lalaki. Sa huna-huna sa babaye swerte siya kun buot hunahunaon kay sa tago crush usab niya si Carlo, ug sa kataposan naangkon na gyud niya ang ulitawo nga maoy gidamgo sa kadagahan.  Usa pa mas dako siya’g edad itande kang Carlo, desi-otso pa lang ang lalaki samtang siya hapit na magtrayenta anyos.

Human maka-areglar sa ilang kaugalingon gialsa ni Carlo ang dako nga bagahe sa babaye samtang ang giaswat ni Lina ang gaan nga bagahe.  Apan dihang pag-abli nila sa pultahan nakurat sila sa misugat sa ilang panan-aw. (Sumpayan)