“Hahahasula”

Dear Medyo Maldito,

Tawga lang ko sa pangalan nga Ciang-Ciang.Magpatambag unta ko. Naa koy crush sa library namo ug ambot ngano ing-ani akong ma-feel pirmi kung mosulod ko’s among library. Mangulba, mamblush ug kiligon ko kung naa siya. Wala ko kasabot sa akong feelings. Karon ra pud ni nako na suwayan. Kung mag-chat mi, kiligon ko og maayo. Mora’g boang nga mo shagit lang og kalit tungod sa kakilig. Masakitan ko kung sungogun ko’s akong mga barkada nga naa siya’y uyab.  Unsa’y angay nakong buhaton para makalimtan nako siya? Ngano na love naman nako siya bisa’g kabawo ko nga di jud magka kami? Nganong masakitan ko nga di man unta kami? Unsaon nako pag- move on niya? Tambagi ko para di nako magsakit.

* * *

Hi Ciang-Ciang! Kung naay uyab imong crush, wa kay mahimo ana. Taman crush na lang gyod ka. Kanta na lang og Hahahasula: “Di ta uyab, wala’y ikaw ug ako.” Unya naa pay, “selos nga lisod gyud kapugngan, labaw na’g siya ang imong kauban.”

Okay rana. Di man na makamatay ang selos. Normal raman nang ma- crush ka bisan og naa siya’y uyab. Normal ra nang maibog. Ang abnormal, kanang mangilog. Bisan og makaingon ka’g inlove na kaayo ka ug masakitan na ka, ayaw gyod og pangilog ha? Ingon pa ni Isaac Newton, “In every action, there’s an equal but opposite reaction.” In short, Karma.

Ayaw’g tuo anang “mas dali dakpon ang hiniktan” ug “yuta gani nga naay titulo, mailog uyab pa kaha”, kay maawayan unya ka. Sagbot gani nga naay ugat, maibot. Buhok pa kaha nimo. Ang akoa lang, daghan man laing puwede mahimong inspirasyon. Single man ka, ayaw pag-focus atong naay uyab kay mao nay rason masakitan ka. Pangita og daghang crush. The more entries you send, the more chances of winning. Haha!

Pero seryoso, i-prioritize imong pag- eskwela. Sunod na nang gugma. Kung gusto gyud ka maka-move on, ayaw na sige of chat niya. Kay kung moreply siya, modahum na man pud ka. Kung di pud siya mo-reply, masakitan ra ka. Maong mas maayo nga di na ka magsige og communicate niya. Maka-move on ra ka atong crush nimo. Naka-move on gani tong mga gibuwagan sa ilang gihigugma, ikaw pa kaha nga di mo uyab. Mawala ra nang sakit. Crush ra na , layo ra na’s  tinae.

*  * *

Ganahan ka magpatambag? Ipada na sa: [email protected]