Isulti niya

Medyo Maldito, Ako diay si Matthew, 18 years old. Naa ko'y best friend nga girl ug almost eight years na ang among friendship. Close gyod kaayo mi and even sa iyang family. Siya akong duolan sa una everytime nga masakitan ko or maka-feel ko og sadness hangtod nga karon dagko na mi. Naka-realize ko nga I've been falling for her for a long time na kay halos tanan namong buhaton kay maka-feel nako og awkwardness. Mura ko og na-develop niya. I don't know if I should continue this feeling or just end this kay mahadlok ko nga basin og dili mutual among feelings ug mao'y hinungdan nga maguba among friendship. Should I confess it to her or I'll keep it within myself until it fades out? I'm one of your big fans Medyo Maldito. I hope matambagan ko nimo.

* * *

Matthew,

Ganahan gyod ta's mga butang nga di ma-atoa. Mura'g ikaw, ganahan ka's imong bestfriend nga di ma-imoha. Hahaha! Di siya ma-imoha kung di nimo isulti imong feelings para niya. Kung sigurado gyud ka nga love gyod nimo siya, isulti! Wa man mo nagduwa og Pinoy Henyo nga imo siyang patagna-tagnaon. Basin diay og ganahan pud siya nimo. BASIN. Di lang niya maingon kay, of course, babae siya. Basin mahadlok siya i-reject nimo.

Ingon ka nga eight years na inyong friendship. Lig-on na gyod na'g pundasyon inyong paghigalaay. Di ko mutuo nga madaot ra na diritso tungod kay muingon ka nga in-love ka niya. Kung di nimo i-confess niya imong feelings, naa koy pangutana: Makaya kaha nimo tan-awon siya nga naa na siya'y laing kuyog? Nga naa na siya'y uyab? Kung dili, buhata na imong gusto buhaton. Ayaw pagduha-duha. Kung dili mutual inyong feelings, e di himuon nimo og mutual. Kung bestfriend ra gyud iyang tan-aw nimo, i-bestfriend ra pod siya aron mutual mo'g feelings duha. Awkward gyud na sa sugod. Masakitan gyud ka. Pero at least, naingon nimo. Di ka mag sige'g pangutana og "WHAT IF?" What if nanguyab ka, what if ni confess ka? Ang sakit, mawala ra na. Pero kanang WHAT IF, magbalik-balik gyod na'g sulod sa imong hunahuna. Kung maka-decide naka nga mo-confess niya, ayaw siya'g kurata. Basin mo kalit lang ka og ingon og I LOVE YOU.

Ipakita sa iya nga love nimo siya pinaagi sa imong actions. Action speaks louder than words, ingon pa nila. Andama lang imong kaugalingon kung unsa man iyang tubag. Kung dili gyud siya ganahan nimo, at least nag-try ka. At least kahibaw ka nga bestfriends ra gyud mong duha. Good luck Bai ug daghang salamat sa suporta.

* * *

Medyo Maldito. Ganahan ka magpatambag? Suwata ka na ug ipadala sa: [email protected]