Ehemplo Dro Arts

Gula 4

Ang unsay makita sa bata gikan sa ilang mga ginikanan, mamahimong husto diha sa ilang  mga mata ug huna-huna. Hangtud nga nag-college na lang si Carlo, 18 anyos, mao ra gihapon ang kanunay niyang masaksihan. Matud pa, ang pagtulon-an o mga pagtulon-an sa kabataan anaa magsugod diha mismo sa panimalay. Apan ang mga pagtulon-an nga unang nasaksihan ni Carlo lahi kay sa mga pagtulon-an nga nakat-onan sa susama niya’g pangidaron.Ang mga ginikanan maoy labing unang magtutudlo sa ilang mga anak. Ang mga ginikanan maoy mogiya sa ilang mga anak asa ang hustong dalan nga subayon alang sa maayong kaugmaon. Matud pa, ang moral nga paagi sa pagpakabuhi mao gayud unta ang itudlo sa mga ginikanan ngadto sa ilang mga anak. Matag pulong, matag makita sa mga mata sa bata husto alang kanila kay ilang ginikanan mao may magsilbi unta nga ehemplo sa linghud nga pangisip sa usa ka bata nga nagsugod pa lang pagkakat-on sa pagpakabuhi niining kalibutan nga puno sa kasakit ug pagsulay. Apan si Carlo, may moral bang nakat-onan sa kaugalingon niining puloy-anan?

Usa ka security guard ang papa ni Carlo sa usa ka armoured van nga maghatud-kuha ug kwarta sa banko. Maskulado ang iyang amahan, mestizo kay anak man kini og pinaangkan og Amerikano ang amahan. Maayo sab og barog ang iyang papa.. taloytoy og ilong. Brown kaayo ang kalimutaw.

Bawog og pilok, busa way babaye nga dili makagusto sa iyang amahan. Samtang ang iyang inahan usab, anak lang og labandera, ang amahan palahubog, pero may pagka mestizo Katsila pod. Mao nga si Carlo, naliwat ang hitsura, mestizo, sa pangidaron ni Carlo nga may gitas-on nga 5'9, molutaw na man ang iyang pagka-ambungan. Matud pa sa mga silingan o mga tawo nga magtan-aw ni Carlo, may kaugmaon pinaagi sa pagmodelo si Carlo. Pero wala sa huna-huna ni Carlo ang pagmodelo kay dili niya kini forte o linya.

Tok! Tok! Tok!

Kalit nga nakamata si Carlo, nabati ang pagtoktok sa pultahan. Milingkud sa hilit sa iyang katre.

"Carlo, bangon na. Alas sais na sa buntag. Unsa man ka, dili ka moeskwela?", matud pa sa iyang amahan nga naa sa gawas sa iyang kwarto. Mibangon si Carlo, samtang nanghimuta pa ug maoy misugat sa iyang panan-aw ang iyang amahan nga naka uniform isip security guard.

"Pa. Wala ko makabantay sa oras dah." Matud pa ni Carlo nga gidunganan sa pagpanguy-ab, ug nangunat, gi-isa ang duha ka kamot.

"Carlo, unsa man nang naa sa imong purol? Naa man nay lama?" pagpangunot pa sa agtang sa iyang amahan samtang nagtutok sa iyang puti nga boxer shorts sa atubangan nga bahin. Daling miduko si Carlo ug gitan-aw ang gipasabot sa iyang amahan. Nakurat siyag balig ¼ ug daling gitabonan. "Unsa na?"  Subling pangutana sa iyang amahan.

"Ha? Kuan man ni pa. Kanang..kuan..." pagkanga-kanga pa ni Carlo.

"Mora man ka’g nalapsan. Mora man ka’g gi-mens, pero dili man sab na mens kay dili man puwa," matud pa sa amahan ni Carlo nga medyo nahimuot sa kaugalingong pulong.

"Natud-an ra ni sa gikaon nako gabii pa oy. Nipalit man gud ko’g ice candy ilang nang Jacky. Nalimot ko pag-ilis og boxer shorts," pagpamakak pa ni Carlo. Sa  hunahuna niini, ang duga kadto gabii. Resulta sa iyang gibuhat tungod sa mala-paraisong talan-awon. Medyo naulaw si Carlo ug daling  mitalikod.

Mitalikod usab ang iyang amahan ug nagkanayon, "lihok na diha, aron makaeskwela. Kaligo ug pamahaw una ka moeskwela ha. Naa nay pagkaon sa lamesa, hasta ang imong balon, akong gipatung sa center table dire sa sala," matud pa sa amahan ni Carlo. (Sumpayan)