Ayaw pagdahom!

Hi Medyo Maldito!

Ako si Mark, 18 years old. Naa koy crush ug taud taud na pud mi sige og kuyog. Love naman gyud siguro nako siya kay mura na gyud mi og uyab. Usahay, imbes mag-study ko ug maghimo og assignments, mas ganahan ko magkuyog ming duha. Accountancy akong course maong lisod gyud kaayo kay naa pay apason nga grado. Andam nako buhaton tanan para sa iya, pero mahadlok lang ko basin friendzone ra akong padulngan. Gusto nako siya panguyaban. Unsa man akong buhaton?

Mark

* * *

Hello Mark!  Kung crush nimo, crush ra. Ayaw pag in love in love diha. Advance ra kaayo ka'g hunahuna kay crush pa gani, feeling nimo uyab na mo. Kay accountancy man imong course, sigurado ko nga nakadungog naka ani nga linya: "Never assume unless otherwise stated." Ayaw pagdahom labaw na kung wa giingon. Kung mag- assume ka nga love pud ka niya, pag-expect nalang pud nga masakitan ka. Ingon pa nimo, di na ka maka- focus sa imong pag-eskwela kay imbes maghimo ka'g assignments ug mag-study, mas gusto ka nga magkuyog-kuyog niya.

Mark, accountancy imong course. Kinahanglan kamao ka mo-BALANCE. Kung naa kay time maggugma-gugma, kinahanglan, naa pod kay oras para sa imong pag-eskwela. Kung sa accounting pa ni ug ibutang nato sa journal entry, mobayad ka og TIME, (credit), para sa way siguro nga GUGMA (debit).

Pero di lang time ang kinahanglan nimo ihatag aron ma-balance sa gugma. Kinahanglan pa ka'g effort, kwarta, ug uban pa. Okay ra man nga ihatag nimo ang tanan para niya. Ang pangutana lang, sigurado kaha ka nga dili "Thank you, FRIEND" ang tubag niya? Wa ko niingon nga mo-undang ka sa imong buhaton. Akong tambag lang nimo, kalma lang. Ayaw pagdali anang gugma. Pwede raman na himuon imong crush nga  inspirasyon sa pag-eskwela. Kay accountancy man imong course, dapat kahibaw pud ka mo-ADJUST. Ayaw ihatag tanan. Kay aron kung moingon siya nga friends ra gyud mo taman, di ra kaayo ka masakitan.

Medyo Maldito

* * *

Problemado ka ba ug buot nimong magpatambag? Suwata ka na ug ipadala sa: [email protected]