Daman sa udtong tutok
Gula 32
Human kami maka-check in ni Rafael, gihatag sa lalaki nga nagbantay sa counter ang yawe sa kuwarto ngadto ni Rafael. Nanaka dayon kami sa ikatulong andana ug gitultol ang kuwarto nga ang numero 303.
Sa didto na kami sa sulod sa lawak diin mao ray mabati ang hinay nga andar sa aircon, misamot ang kakulba nga akong gibati.
“R-Rafael, a-ayaw,” nako pa dihang mihana na si Rafael sa paggakos kanako.
“I love you, Darlene,” nagkanayon si Rafael dayong gunit sa akong kamot. “Gihigugma ko usab ikaw, Rafael,” matud ko. “P-pero.”
Wala na ako makatiwas pagpamulong kay giukoban na ni Rafael ang akong ngabil. Mipusnga ko. Gigakos ako ni Rafael ug gikaligoan og halok.
Wala madugay, nabatyagan ko ang talagsaong kalalim nga mikuyamang sa kinatibuk-an sa akong lawas. Mihangos ko. Unya mipaundayon na ako sa gihimo ni Rafael kanako kay gigamhan na ako sa talagsaong kaanindot nga mihari sa akong kaugalingon. Miepekto ang gihimong pagana ni Rafael kanako.
Gitangtang ni Rafael ang salimbong sa akong lawas. Gihagkan niya ang akong liog, dughan ug mikanaog pa gayod kini ngadto sa ubos. – Sumpayan pa
- Latest
