Maghikog og buwagan?

Dear Tita Salie,

My name is Zasha, from Leyte. About my lovelife ang akong patambagan. Gusto na man gud ko makig-break sa akong boyfriend kay wala na man ko ganahi sa iyang gipakita nga batasan. Apan maghikog man kuno siya kun ako siya nga buwagan. Unsaon man ni nako? Pasabta ko.

* * *

Dear Zasha,

Ang labing importante sa mga natago nga hiyas sa usa ka tawo mao gayud ang batasan, ug angay gayud kini nga imong sutaon. Pamalandonga kini. Kun maglisod siya pag-usab sa iyang batasan sa dili pa kamo minyo, mausab kaha kini kun magminyo na mo? Ayaw lantawa ang negatibo nga panghunahuna.

Sulayi siya sa pagpakig-estorya ug sultihi sa imong problema bahin kaniya. Ayaw og lipudlipod kay ang kasulatan (1 Tesalonica 4:4,5) nag-ingon: “Ang matag usa kaninyo kinahanglan mahibalo kun unsaon paghupot sa iyang kaugalingong sudlanan diha sa kabalaan ug kadungganan, dili sa mahakugong kaibog sa seksuwal nga gana nga sama nianang sa kanasuran nga wala makaila sa Diyos.” Basin og wala siya mahibalo sa iyang gibuhat nga nagkinahanglan diay kini og kausaban. -Tita Salie