Daman Sa Udtong Tutok

Gula 19

Gisuwayan g’yud ko pagkumbinser sa akong mga ginikanan aron pasayloon na nako si kuya Cain sa iyang paglugos kanako.

“Tawo lang ang imong maguwang, Darlene. Kun mahimo man niya ang paglugos kanimo, kana tungod kay natintal siya sa kahigayonan,” matud ni tatay Barlo.

Wala gihapon ko magtingog. Igo ko lang gipahit ang akong wait.

“Mikompisal ang imong maguwang kanamo sa tanan ug mitug-an siya kanamo nga iya na nga gibasolan ang iyang gibuhat. Busa pasayloa na siya, anak. Utang buot,” matud nila ni tatay ug nanay.

Taudtaod ko nga naghinuktok. Unya nakaumol ko’g usa ka hukom. “Sige. Mao man kaha ang inyong gusto. Sige, isibog nato ang kaso,” matud ko.

Nalipay sila si nanay Ludy ug tatay Barlo sa akong hukom.

Gisibog dayon namo ang kaso nga among gisang-at batok ni kuya Cain. Ang akong maguwang nakapauli na sa among balay.

Usa niana ka gabii, diha nga nangatulog na sila si tatay ug nanay, ingon man si kuya Cain, gipanghipos nako ang akong mga butang.

Gisulod nako sa dako’ng bag ang akong mga sinena ug ubang mga gamit. Nakahukom ko nga mopalayo sa among dapit. (Sumpayan)