Daman Sa Udtong Tutok

Gula 9

Nauwaw ko sa gibutyag ni Coco sa akong atubangan. Nasayod diay siya sa nahitabo tali kanamo ni kuya Cain kagahapon. Nakakita diay siya sa panghitabo. Mura’g nanglipaghong ko sa iyang atubangan.

Apan kadiyot ra ang maong kauwaw. Mibanos dayon ang kabalaka sa labing ulahi nga gisulti ni Coco nga gusto siya nga motilaw sa akong pagka-babaye aron dili ibutyag ang iyang nahibaw-an.

“Itugyan kanako ang imong kaugalingon, Darlene kun dili ka buot nga mabutyag ang secret nimo ug sa imong kuya Cain,” ni Coco.

Wala ko makatingog. Wala ako masayod kun unsa ang angay nako nga buhaton. Nabalaka ko nga tinud-on ni Coco ang iyang bahad sa pagbutyag sa tinagoan namo ni kuya Cain.

Nahinumdom ko sa pasidaan ni kuya nga iya ko nga patyon sa higayon nga masayran ang iyang gibuhat kanako.

Kun motug-an si Coco, segurado nga patyon gayud ako ni kuya Cain. Apan ang akong kabubut-on nagdumili usab sa pagsanong sa buot mahitabo ni Coco.

Dili ko makatugot nga sa laing higayon panamas-tamasan sa tawo nga mapahimuslanon ang akong pagka-babaye.

“Sige na, Darlene,” ni Coco, dayong gunit sa akong kamot.

Gipatiran nako ang iyang pugaran sa diha nga mihana na siya paggakos kanako. (Sumpayan)