Daman sa udtong tutok

Gula 2

Lisod ang among kahimtang mao nga wala na ko maglaom nga makapadayon pa sa pagtungha sa college.

Sa paghiabot na namo ni kuya Cain sa umahan, gisugdan dayon niya ang pagpamupo sa guwang na nga mga bunga sa batong, kalabasa ug paliya. Mitabang ko ni kuya Cain sa pagpamupo. Dagko ug himsog kaayo ang mga bunga sa utanon nga among gipupo.

Wala dangti og dugay, miduol si kuya sa akong nahimutangan. Abi ko’g unsa ang iyang tuyo nako. Kalit lang ko niya nga gigakos ug gisap-ongan ang akong baba aron dili ko makasiyagit.

Mikisikisi ug milugnot ko. Pero kusgan kaayo si kuya Cain. Hugot kaayo ang iyang paggakos kanako. Dili ko makalihok.

Dili ko buot mutuo, pero maoy misantop sa akong hunahuna nga giyawaan ang kaisipan sa akong igsuon.

Nasabot ko nga daotan ang iyang tuyo kanako mao nga nanglimbasog ko nga makalingkawas sa iyang paggakos kanako.

Mihangos ko sa tumang kalisang nga mihakop sa akong kinatibuk-an. Misamot ang akong paglugnot sa dihang gihagkan ni kuya Cain ang akong ngabil.

Ang usa niya ka kamot nagpanghiram sa pribado nga mga bahin sa akong lawas. (Sumpayan)