Pre-marital sex, husto ba?

Dear Tita Salie,

Tawga lang ko’g Miss Chelz, 17 years of age. Maayo ba nga itugyan nako ang akong pagkababaye ngadto sa akong boyfriend aron magdugay pa kuno ang among relasyon?

Panagsa ra man kami magkakita pero kada kita namo, dili man ko makahimo bisan unsaon. Pasabta ko.

* * *

Dear Ms. Chelz,

Kanang mao nga buluhaton, alang ra kana sa mga minyo ug nga wala kini gitugot sa Diyos ngadto sa dili pa minyo. Handurawa nga gipalitan ka sa imong higala og sapatos, aron igasa kanimo, apan imong nakit-an nga kini gisuot-suot na nga wala pa gihatag kanimo, sigurado nga masuko ka.

Gipakasama niini ang imong pagkababaye nga gasa sa Diyos apan kun kini imo na nga ipagamit nga dili ka pa minyo, ang Diyos masubo gayud. Ms. Chelz, ang tinuod nga gugma andam magpaabot ug ang kasulatan (1 Corinto 13:4-7) nag-ingon: “Ang gugma hataas og pailob ug maluluton.

Ang gugma dili abughoan, dili manghambog, hinunua kini moantos sa tanang butang.” Nagpasabot kini nga bisan unsa ka dugay, andam siya nga magpaabot kun ang gugma niya kanimo matinud-anon. - Tita Salie