May gitago ang kangitngit

Gula 93

Gisulayan nila ni SPO1 Nicko Bernal ug PO3 Roy Canares paggamit ang Rado nga relo ni Chief Inspector Dindo Raval nga may communication gadget.

Gidayal ni Nicko ang numero nga 6666 sa iyang cellphone. Wala magdugay mitingog ang relo. “Pindota kanang nagkidlapkidlap sa kilid nga bahin sa relo,” giingnan ni Nicko si PO3 Cañares.

Tuod, nagkasultihanay sila si Nicko ug Roy. Si Roy sa relo nga Rado nga iyaha sa hepe ug si Nicko sa iyang cellphone. Apan dili ang tingog ni Roy maoy nadungog ni Nicko, kon dili, tingog sa usa ka babaye nga sama sa tingog sa misteryoso nga babaye nga kanunay manawag kaniya.

“Mao g’yud kining reloha ang gigamit sa hepe sa paglingla kanako. Gipakaingon ko’g usa gayud ka babaye ang pangulo sa kulto, apan usa man diay ka lalaki nga nausab ang tingog gumikan sa moderno nga kahimanan,” matud ni Nicko.

Gipasabot ni Nicko si PO3 Cañares nga tungod sa ka-advance na kaayo sa teknolohiya karon, dili na imposible nga maimbento ang ingon niini nga kahimanan. Ang nakaapan lang kay gigamit kini sa hepe sa daotan nga paagi.

“Unsa may atong buhaton karon nga nailhan na man g’yud nato ang pangulo sa kulto nga mao diay ang atong hepe?” ni PO3 Cañares. (Sumpayan)