Gusto moatras sa kasal

Dear Tita Salie,

Good day. Tagoa lang ko sa ngalan nga Rose. May anak ko pagkadalaga. Karon nakauyab ko og lain ug namalaye na. Gusto ko moatras sa among gikasabotan nga kasal kay nahunahuna nako nga basin daugdaogon sa iyang pamilya ang akong anak sa pagka dalaga. Naglibog ko karon. Pasabta ko, Tita Salie. Thanks.

* * *

Dear Rose,

Dili man ang pamilya sa imong uyab ang mag-ipon ug magpakasal, ikaw man ug ang imong uyab. Hasta ba diay ang lalaki nga magpakasal nimo wala makadawat sa imong anak sa pagkadalaga? Ang tumong ug tuyo sa imong uyab karon nga pakaslan ka maoy maayo. Tinguha sa Diyos nga hiusahon ang lalaki ug babaye sa kaminyoon. Human unya sa inyong kasal, paningkamoti ninyong duha nga makalain kamo sa pagpuyo. Ang pagtahod sa imong ugangan, maoy yawe nga masuod ka nila ug ang imong anak. Ipakita nila nga angayan ka nga nahimong asawa sa ilang anak. 

-- Tita Salie