Gusto na unta magminyo

Dear Tita Salie,

Hi! I’m Seana, 33 years of age from Lapu-Lapu City. Bisan sa akong pangedaron, single lang gihapon ko hangtud karon. Gusto na kaayo ko magminyo apan wala man gud ko’y boyfriend. Unsay akong buhaton. Pasabta ko, Tita Salie. Salamat.

* * *

Dear Seana,

Dili man daotan nga sa imong panuigon karon ikaw wala pa gayud maminyo. Mao kini ang problema sa uban ug lagmit usa ka na niini.

Apan kun imong aninawon ang atong sitwasyon karon diin nagkagrabe ang kalisod sa panginabuhian, ang uban medisisyon na lang nga dili magminyo.

Sa imong bahin, mas maayo nga lugwayan pa nimo og pipila lang ka panahon. Paabuta lang ang husto nga panahon kay moabot ra kana nga dili nimo damhon.

Hatagi lang og atensiyon ang imong trabaho. Dili man ‘sab praktikal sa usa ka babaye nga maoy mopadayag sa iyang gugma ngadto sa lalaki nga iyang magustohan.

-- Tita Salie