Ikakita ba nato pag-usab ang mga nangamatay?
Dear Tita Salie,
Maayong adlaw ug kumosta? Ako diay si Thomasa Thuy, taga Samar, 49 years old. Ang akong pangutana, makita ba nato pag-usab ang namatay nato nga mga minahal? Magpaabot ko sa imong tubag ug pagpasabot. Daghang salamat.
Dear Thomasa,
Ang kadaghanang tawo naghunahuna nga kun ang tawo mamatay, kini mawala na o dili na mabuhi pag-usab. Ang kamatayon ingon sa maoy katapusan sa tanang butang sa tawo.
Apan dili kini ang tinuod nga gitudlo sa Bibliya. Kay ang gibatbat sa Juan 5:28, 29 nagpatin-aw man nga ang tanan nga anaa sa handomanang lubunganan, manggula kun makadungog sa iyang tingog. Kay kini gisulat man sa Balaang Kasulatan, sa ato pa usa kini ka lig-ong pruyba nga ang Diyos makahimo gayud sa pagbanhaw sa mga patay.
Gani ang Diyos nagpasalig nga bisan ang kamatayon sa tawo mahimo niya nga wagtangon, sakit, kanihit sa pagkaon, ug ipasig-uli ang nawala nga paraiso. – Tita Salie
- Latest
