Sige’g communicate

Dear Tita Salie,

Good day. Tawga lang ko’g Mr. Right, minyo. Ang akong problema kay ang wife nako may relasyon sa una nga boyfriend niya nga buwag na sa asawa ug wala’y anak, kami duha ang among anak. Sige lang sila mag-communicate bisan sa akong atubangan. Palihug pasabta ko.

Dear Mr. Right,

Ikaw ug ang imong asawa nagsinaaray nga magtambayayong sa pagpundar og hapsay nga pamilya ug sa pagmatuto sa inyong mga anak panahon nga kamo minyo na. Pakigsultihi ang imong asawa nga diha’ng siya misugot kanimo nga makigminyo, kana tungod sa gugma.

Busa, angay niya kini nga respitohon isip ikaw maoy ulo sa pamilya. Ang iyang gibuhat nga pakigkomunikasyon gihapon sa iyang kanhi uyab bisan minyo na siya, sama ra og wala siya’y pagtahod sa inyong gugma. Mag-unsa na lang ang inyong duha ka anak.

Pasabta siya sa hinay nga pagpasabot ug ubani sa pag-ampo nga malamdagan unta ang iyang huna-huna. – Tita Salie