Kanhi GF nakahasol

Dear Tita Salie,

Just call me Carlo, 21 years old   from Hipodromo ug amahan sa tulo ka anak. Bahin sa akong former GF kining akong problema kay bisan duna nako’y kaipon siya man gihapon ang akong gihunahuna nga unta dugay na mi nagbuwag. Dili ko gusto nga makasala sa akong kaipon karon kay dili ko gusto nga maguba ang among pamilya kay may mga anak na kami. Palihug pasabta ko.

Hi Carlo,

Ikaw ra g’yud ang makatabang sa imong problema, apan niay pipila ka sugyot. Kontrolaha ang imong hunahuna ug sumala nimo dili ka gusto nga makasala. Nan, ang tambag sa kasulatan sa Colosas 3:5 nag-ingon: “Patya ang inyong mga sangkap sa lawas nga anaa sa yuta may labot sa pakighilawas, kahugawan, sekswal nga gana, makadaot nga tinguha, ug hakog nga pangibog.” Ang pagsige’g hunahuna mao kini ang angay nimo nga disiplinahon. Pangita og laing makalingaw sama sa pag-ehersisyo, paglakawlakaw sa pipila ka minuto aron mawala sa imong hunahuna kun unsa’y dili nimo gusto. Mag-ampo ka kun mopukaw sa imong hunahuna ang paghunahuna sa kanhi nimo GF. Niini nga paagi, imong makita nga duna pa diay daghang butang nga angay nimo nga pamalandongon.

-- Tita Salie