May gitago ang kangitngit - Gula 58
Gipasabot sa hepe sa kapolisan nga dili gayud basta-basta ang mga sakop sa kulto’ng Bangkulis.
“Imagine, nakuha nila ang imong cellphone number. Mao nga angay gayud kita nga mag-amping kanunay kay wala kita makaila bisan usa na lang kanila apan posible nga nakaila sila kanato,” giingnan sa hepe si SPO1 Nicko Bernal.
Nahatalunong si Nicko sa gisulti ni Chief Inspector Dindo Raval. Nakumbinser siya sa giingon sa hepe nga dili basta-basta nga kontra ang kulto nga Bangkulis Black Brotherhood nga gitumbok nilang responsable sa pagpamatay sa mga batang babaye nga natawo sa Septiyembre 8.
“Buyno, lawom na nga gabii, pamauli na lang mo. Magsulti lang kita pag-usab ugma,” ni Chief Inspector Raval.
“Ikaw ang mag-igo, sir,” ni Nicko.
“Ako na ang bahala dinhi kay dili na tingali mobalik kadtong armado nga mga tawo nga mirakrak sa akong balay,” matud sa hepe.
Nanakay dayon sila si Nicko sa ilang patrol car. Wala na sila mopadayon pagpatrolya. Namauli na sila sa tagsatagsa nila ka pinuy-anan.
Sila si PO1 Rudy Alarcon ug PO1 Reuben Libra ang una nga gihatod ni PO3 Roy Canares nga maoy nagdrayeb sa sakyanan. (Sumpayan)
- Latest
- Trending
