Nasakpan

Dear Tita Salie,

Have a nice day. Just call me Jasmin, 17. I have a BF nga niabot g’yud mi’g five months, but nagbuwag mi kay ako siya’ng nasakpan nga duna siya’y ka-M.U sa iyang selpon. Pagkakaron, nagka-communicate mi’g balik sa akong crush then siya ang nitabang nako nga maka-move on sa akong Ex. Karon nanguyab siya nako. Dapat ba nako siya’ng sugton? Basin parehas ra ‘sab siya sa akong Ex nga binuangan ra ko. What should I do? Please help me, Tita Salie.

* * *

Good day Jasmin,

Aron matubag kana’ng imong mga pangutana, mas maayo nga imong susihon ang pagkatawo sa imong naibgan aron dili ka magmahay sa kaulahian. Apan pagbantay, ayaw lang tan-awa ang gusto nimo. Pananglitan, panagway, kahinguhaan kondili ilakip pagsusi ang pamatasan.

Ayaw pagdali. Ilha usa pag-ayo ang imong naibgan. Duna’y usa ka pananglitan: Gusto ka nga mopalit og sakyanan, susihon gayud nimo kini og maayo, dili lang ang gawas nga bahin kondili lakip na ang makina kun kondisyon pa ba. Ingon niini ang pagpili og karelasyon, labaw kay sa pagpili og sakyanan. Importante usab nga masayod ka sa reputasyon sa imong naibgan. Unsay panglantaw sa uban kaniya? Makig-estorya ka sa mga tawo nga dugay na’ng nakaila kaniya. Niana’ng paagiha mahibalo ka kun maayo ba ang iyang pagkatawo ug niana ikaw na ang modesisyon. – Tita Salie