Panumpa nga bakak

Gula 17

Nabag-iran ni Janeth ang nagtuskig na nga pagka lalaki ni Jeffrey. Gibati og kauwaw si Jeffrey apan ingon sa gibaliwala lang sa dalaga nga nakabag-id siya sa pribado’ng parte sa lawas sa iyang boyfriend.

Padayon nga migakos kang Janeth si Jeffrey apan ang iyang mga bukton dili makita kay anaa man sila sa giladmon nga taga dughan ang tubig. Nagpagakos lang ‘sab ang dalaga kay nakita niya nga mao usab kini ang gihimo sa ilang mga kauban.

Bisan og bugnaw kaayo ang tubig sa dagat sa nagkalawom na nga kagabhion, apan wala kini makapakalma sa nagtuskig nga pagka lalaki ni Jeffrey. Nabatyagan ni Jeffrey nga nanginit ang iyang kalawasan tungod sa ilang sitwasyon.

Miatubang si Janeth kang Jeffrey nga nagpahiyom. “Ngano  man kamo’ng mga lalaki nga makagakos gani og babaye, ganahan man dayon?”

Wala dayon makatingog si Jeffrey kay wala siya magtuo nga pangutan-on siya ni Janeth bahin niini. Nakasabot si Jeffrey nga nakapangutana si Janeth niini tungod kay nabag-iran man niini ang nagtuskig niya nga pagka lalaki.

Nakahuna-huna si Jeffrey nga iyang sakyan  ang gipangutana kaniya ni Janeth. “Kinsa man gud ang dili ganahan kun makagakus og babaye nga sama kanimo ka seksi Neth? Normal lang sa usa ka lalaki nga mobati og kalalim.”

Takulahaw lang nga migakos si Janeth kang Jeffrey. Sa gihimo ni Janeth, nabag-id na g’yud hinuon ngadto kaniya ang nagsanting na nga pagka lalaki sa iyang boyfriend. Ingon sa nahanaw na ang kauwaw ni Jeffrey kay nasabot niya nga gibaliwala ra kini ni Janeth. Gihalog pag-ayo ni Jeffrey ang dalaga ug giukoban ang mga ngabil niini. (Sumpayan)