Panumpa nga bakak

Gula 16

Wala na mag-usa og grupo ang magbarkada. Naglagyo na sila apan sikit kaayo ngadto sa tagsa-tagsa nila ka partners. Upat sila ka paresan. Sila si Jeffrey ug Janeth didto usab magpahimutang sa unahan.

“Dili katuohan no? Nagkita ta sa miagi pa’ng semana diha’ng nangita ko sa opisina sa Comelec, unya karon nahimo ka na nako nga sweetheart,” giingnan ni Janeth si Jeffrey.

“Bisan ako Neth, ingon sa dili makatuo apan dili kini usa ka damgo ang nahitabo kanato. Sigurado ako nga wala magdamgo kay magakus ug mahagkan ko man ikaw,” matud ni Jeffrey dungan sa paghalog niya sa hawak sa dalaga.

Napaigking si Janeth nga gihikap ni Jeffrey ang iyang hawak nga walay sinena. Kalit lang nga nakablit ang kuwerdas sa pagbati ni Jeffrey dihang nahalog niya ang hawak ni Janeth.

Anam-anam usab nga milihok ang iyang pagka lalaki. Unya, kalit lang nga adunay sunod-sunod nga dagko’ng bawod nga mihapak kanila nga mugna sa miagi nga fast craft didto sa lawod nga bahin sa dagat.

Nasarasay si Janeth ug dungan nga gihapak pag-usab sa laing bawod. Kalit lang naninggit ang magbarkada. Gidali ni Jeffrey pagtabang si Janeth aron dili makainom og tubig-dagat kay dili kini bansay nga molangoy.

Wala tuyoa nga nagakus pag-ayo ni Jeffrey ang lumoy kaayo’ng lawas sa dalaga. Misamot pagsanting ang iyang pagka lalaki sa iyang gihimo. “Nakainom g’yud ko’g tubig sa dagat,” matud ni Janeth.

Wala na buhii pa ni Jeffrey si Janeth sa iyang paggakus niini. Sa tanto’ng pagsikad-sikad ni Janeth, nabag-iran niini ang nagtuskig na nga pagka lalaki ni Jeffrey. “Hala sori kaayo Jeff ha?” matud ni Janeth nga nagpahiyom. (Sumpayan)