Panumpa nga bakak

Gula 13

Naglami g’yud ang pagparayganay nila ni Jeffrey ug Janeth. Sanglit nagtapis man og tualya ang dalaga, gipaaginud ni Jeffrey ang iyang palad ngadto sa ilawom sa tualya ug gihapohap niya ang hawak ug tiyan ni Janeth.

Nakasiguro si Jeffrey nga bation gayud ni Janeth ang kalalim sa mainampingon niya nga paghapohap sa tiyan sa dalaga. Subli nga giukoban ni Jeffrey ang lumoy kaayo nga mga ngabil sa dalaga.

Nag-ukang sila gikan sa nagkalami nga paghagkanay. “I love you Neth,” giingnan ni Jeffrey ang dalaga nga migakus kaniya. “Love you too Jeff,” sa dalaga pa.

Nakit-an ni Janeth ang iyang mga classmates nga mihinay-hinay na sa pagpaingon sa dagat aron maligo. Wala sila moduol sa sakyanan. Nagtuo sila si Janeth ug Jeffrey nga nakasabot ang mga classmates niini nga anaa g’yud sila sa sulod.

Giablihan ni Janeth ang pultahan sa Mitsubishi Strada ug gitawag ang iyang mga classmates. Pareho’ng nagngisi ang mga classmates ni Janeth nga naglantaw kanila. Nanaug si Jeffrey gikan sa sakyanan.

Nakita niya nga wala pa diay madala sa cottage ang litson nga didto gikarga sa likud sa sakyanan. Gialsa kini ni Jeffrey ug gibitbit paingon sa cottage. “Hala, wala diay na dad-a sa akong mga classmates?” matud ni Janeth.

Misunod si Janeth kang Jeffrey paingon sa cottage. Didto, mipaksit si Jeffrey sa kagumkom kaayo’ng panid sa litson. Gitipak ni Jeffrey ang panit sa litson ug gihungitan niya si Janeth. Nagkataw-anay sila’ng duha ug subli nga gihagkan ang dalaga. (Sumpayan)