Dili na makaagwanta

Dear Tita Salie,

Good day. Ako si Lyca, 26. Ang akong problema mahitungod sa akong live-in partner. Four years na kami nagtipon. Sa sinugdan okey ra man ang among panagtipon. Apan pagka karon iya na man ko’ng dapatan kun masuko siya. Tagdugay na pud siya mopauli gikan sa trabaho kay kanunay masangit sa inom ug sa iyang mga kauban sa trabaho. Dili na nako maagwanta ang akong sitwasyon, Tita Salie. Gusto na ko’ng mopauli sa amo sa Leyte. Palihug pasabta ko unsa’y maayo ko’ng buhaton.

Good day Lyca,

Kun ang usa ka butang nga maayo sa sinugdan unya madaot sa kadugayan segurado’ng duna gayu’y hinungdan. Sama sa imong kahimtang, ngano’ng dili nimo susihon kun unsa’y hinungdan. Ang kasulatan (1 Corinto 11:28) nag-ingon: “Uyonan una sa usa ka tawo ang iyang kaugalingon human sa pagsusi.” Ang pagsusi naglakip kini kanimo. Susiha usab ang imong kaugalingon basin ikaw dunay pagkulang sa imong live-in partner. Basin dunay butang nga gusto sa imong kapuyo nga wala nimo ikahatag. Ang kasulatan (Colosas 3:14) nagaingon “Apan gawas pa niini’ng tanang butang,  kay kini maoy usa ka hingpit nga bugkos sa panaghiusa.” Susiha kini, Lyca, lakip na ikaw aron ang inyo’ng pagpuyo makabaton og kalinaw. -- Tita Salie