Sulagma nga deyt

Gula 9

Kalit lang nag-ukang ang naglami na unta nga paghagkanay nila ni Aldrin ug Jenny kay ang laing paresan sa maghigugmaay nga diha sa ilang tiilan nakabantay nga nindot luklokan ang ilawom sa nagyungyong nga dahon sa bombil.

Misuway pagsuong ang mag-uyab sa mga sanga sa bombil apan nasungko sila sa tiil ni Aldrin. Nahaigking ang lalaki ug diha pa mahibaw-i ni Aldrin nga ang iyang higala nga si Emil ug ang kaubang babaye ni Jenny mao diay ang diha sa ilang tiilan.

“Bai Mel, kami ni si Jenny. Pangita mo’g laing lugar nga inyo’ng kaluklokan,” matud ni Aldrin. Nagkataw-anay si Emil ug ang iyang Valentina nga mibiya sa nahimutangan nila ni Aldrin ug Jenny.

Subli nga nagparayganay sila si Aldrin ug Jenny. Nagsalig sila nga dili gayud sila sayon-sayon nga makita bisan kun adunay tawo nga moagi sa ilang duol kay maayo sila nga pagkaluklok sa ilawom sa mga dayon sa misitas.

Miabot gayud ang higayon nga natental sila si Aldrin ug Jenny tungod sa nagkainit nila nga pagparayganay. “Makit-an gani ta’g tawo dinhi. Basin og mobalik to ang imong kauban,” mabalak-on si Jenny.

Apan wala na gayud batia og kalisang si Aldrin nga may makakita kanila. “Dili lang ta magsaba aron walay makabantay nga may tawo dinhi sa ilawom sa mga sanga sa bombil,” hagawhaw ni Aldrin ngadto sa dunggan ni Jenny.

Wala na g’yud sila’y timik apan naghangos na si Aldrin sa pagtagbaw sa iyang kaugalingon. “Happy Valentines Jennnn,” hugot kaayo ang gakus ni Aldrin sa dalaga. Wala magpalupig si Jenny.

Si Aldrin ug Jenny nagkasabot nga atol sa Valentine’s Day karong adlawa, duawon nila uban sa ilang baby ang dapit ilawom sa mga sanga sa bombil nga didto sila miluklok sa miagi’ng adlaw sa gugma. (Katapusan)