Nagbasol na

Dear DJ Jacky G,

Bati ang ako’ng Valentine’s last year kay nasakpan ko sa ako’ng uyab nga nakig-date ko og lain. Ang ending, gibulagan ko’s ako’ng uyab ug nahanaw usab nga daw bula ang ako’ng ka-iring-iring! Sukad adto, nisaad ko sa ako’ng kaugalingon nga never na ko’ng magbinuang sa gugma.  Magtinarong na g’yud ko. Apan sukad usab niadto, wa na’y nanguyab nako ka’y nahibaw-an man sa tibuok school ang kabuang nako sa una. Two-timer, igat, dili kasaligan…Mao na ang reputasyon nako ron. Unsaon man nako pag-prove Jacky nga nag-usab na ko? - Blue Heaven

Dear Blue Heaven,

Kasagaran sa madawat nako’ng suwat, sila ang gibinuangan. Dili sila ang nagbinuang. Thank you for being honest. Maayo kay nakaamgo ka na day. Ikaw ang niguba sa imo’ng kaugalingo’ng reputasyon. Ikaw ra sad ang makaayo pagbalik niini. Deeds will always weigh heavier than words.  Ma-prove nimo sa tanan nga one-man-woman na g’yud ka sa imo’ng next relationship. Kun may manguyab nimo, sugta kun may feelings ka ‘sab niya. Dili kay gusto lang g’yud ka’ng makauyab para ma-prove sa tanan nga nag-usab ka na. It will take time to rebuild a damaged reputation.  Tinud-a ang imo’ng saad sa kaugalingon. Slowly, mausab ra ang pagtan-aw nila nimo. Be patient.- DJ Jacky G      

Kun gusto ka’ng ma-feature sa DDJJG, i-like ako’ng FB fanpage ug i-private message imo’ng problema sa:  www.facebook.com/djjackyg  and follow me on IG:  www.instagram.com/djjackyg  Mapaminawan ko ninyo sa radyo matag 9-11am, Mon-Fri sa MOR 97.1 Lupig Sila! For Life!