Naguol kay buntis
Dear Tita Salie,
A pleasant day to you and to all Banat News readers esp. this column “Pasabta Ko.” Ang akong problema mahitungod sa akong sitwasyon karon. Naguol ko kay buntis ko ug dili pa ko andam nga mahimong inahan kay bata pa ko.
Naglibog gyud ko pag-ayo. Ang nakabuntis nako dili pa sab andam kay pareho ming duha mga batan-on pa.
Anyway, nag-inom na ko’g mga pait aron makuha ning akong gisabak apan wala may epek, Tita Salie. Palihug pasabta ko sa maayo kong buhaton. Thank you and more power to your page.
* * *
Hello! Dili lang ikaw ang nakasinati niini nga suliran bisan pa sa kapanahonan sa Bibliya diha gihapoy nahitabo nga gihimo ang pakigseks nga lingawlingaw. Ang pagkuha sa gisabak dako kining sala batok sa Diyos.
Ug karon ikaw nakasala na ayaw na dugangi ang paghimo og kalapasan pinaagi sa pagpakuha sa imong gisabak. Balaod sa tawo sala kini labina sa balaod sa Diyos kini makalaglag.
Kay ang narekord sa Salmo 127:3 sa Bibliya nag-ingon: “Ang mga anak maoy panulundon gikan sa Diyos, ug ang bunga sa tiyan maoy usa ka ganti.” -- Tita Salie
- Latest
