Always bigo

Dear Tita Salie,

I’m Charly, 21. Naluoy ko sa akong bestfriend nga always bigo sa gugma. Ang iyang tanang gikarelasyon kanunay nga nakapabuntis. Ang katapusan niya’ng nakarelasyon mao gihapon. Ang nakapasakit niya’g maayo kay kaslonon na siya unya kalit lang nga wala na magparamdam ang boy kay nakabuntis diay. Tita Salie, mura’g nawad-an na’g paglaom sa kinabuhi ang akong bestfriend. Unsa kaha’y akong ikatabang niya?

Good day Charly,

Hinumdomi ang panultihon nga nagaingon: “Ang nagadali kasagaran magkamali.” Tinuod kini kay kun magdali-dali ka dili nimo masusi kun unsay angay pa nimo’ng angay’ng mahibaloan.

Dili angay nga ikaguol kun wala madayon ang kasal sa imong bestfriend kay tingali ang iyang boyfriend dili g’yud para kaniya, ang iya nga mga kanhi boyfriend dili para kaniya.

Ang pagminyo dili ni pareho sa usa ka butang nga imong paliton nga adunay warranty.  Ang pagminyo dumalayon, busa sa dili ka pa modesisyon, kinahanglan nga susihon gayud una pag-ayo. -Tita Salie