Jezebel

Gula 172

Maoy akong nakita ang sakyanan ni Mrs. Elvira Lim nga misulod. Apan si Red ra ang akong nakit-an nga mikanaog. Wala nako makita si Mrs. Lim.

“Hain man diay si Mrs. Lim, Red?” Nakadungog ko nga gipangutana ni Manang Ester si Red.

“Tua sa ilang office,” maoy tubag ni Red. “Ngano’ng mibalik ka man?” “May nakalimtan si misis sa iyang lawak. Iya ko’ng gisugo pagkuha niini.”

Ug nakita nako si Red nga mibiya sa atubangan ni Manang Ester. Milakaw kini paingon sa front door sa dako’ng balay. Midali ko pagbiya sa kilid sa bentana sa sala ug miadto sa kusina. Dili ko gusto’ng makakita ni Red sa may sala.

Naniid lang ko sa palibot. Nagpabilin ko sa kusina. Diha’ng nabati na nako ang andar sa makina nga nagpalayo, mibalik ko sa sala. Wala madugay, nahiabot si Manang Ester gikan’g nagsirado sa gate nga puthaw.

“Nahuman ka na ba’g limpyo sa lawak ni Mrs. Lim, Day Jezebel?” Gipangutana ko ni Manang Ester. “Oo, Manang,” laktud ko’ng tubag.

“Hain na man ang bed sheet sa kama ni Mrs. Lim nga labhonon na?”

“Ako nang gibutang sa may labhanan, Manang.” (Sumpayan)