Jezebel - Gula 170
Nausab ang akong plano. Dili na lang ko, mo-day off. “Dili ko molakaw ron,” giingnan ko si Red. “Anhi ra ko sa balay tibuok adlaw.”
“Gusto ka tingali’ng makalikay nako no?” matud ni Red.
“Bahala ka na kun unsay imong pagsabot basta kay dili ko molakaw ron. Wala koy ganang mo-day off,” pintok ang akong tingog.
Walay nahimo si Red. Wala na lang usab siya molakaw niana’ng adlawa. Pero niana’ng pagkagabii, wala g’yud malimot ang kanahan sa naandan na niya’ng tulumanon.
Misulod siya sa akong kuwarto sa servants quarter. Ug sa makausa pa, iya na sab nga giangkon ang akong pagkababaye. Mirebansin siya’g katulo.
Hapit na mag-alas dose sa tunga’ng gabii siya nga migawas sa akong lawak. Natagbaw siya pero ako nabitin. Uga ang akong pagpakigparayganay niya.
Pagkabuntag, wala ko’y kadasig nga miatubang sa akong mga bulohaton. Nahasol pag-ayo ang akong hunahuna mahitungod kang Red. Misantop sa akong hunahuna nga tug-anan si Manang Ester sa gibuhat ni Red nako.
Apan nausab ang akong hunahuna. Kun tug-anan nako si Manang Ester sa kamatuoran, seguradong mangutikuti kini. Ug hayan maugkat ang bahin sa tinagoang relasyon namo ni James.(Sumpayan)
- Latest
