Gibaylo

Dear Tita Salie,

Have a nice day. Mangayo unta ko’g advice about sa akong problema. Tagoa lang ko sa ngalan nga RR, taga Banawa, Cebu. Ang akong problema mao ni. Ang akong ka-live in nagtrabaho sa Colon tagdugay mopauli alas onse nas gabii unya kay mo-duty man ko inigkagabii way mabilin sa among mga anak.

Mao diay, Tita, nga tagdugay siya makapauli kay nakauyab og tomboy. Karon kay labihan namong away unya kay gusto man niya ka mouban sa tomboy. Nakigbulag gyod nako ang akong ka-live in. Gibaylo mi niya sa tomboy kaming matawag nga iyang pamilya bisan tuod wala mi kasal. Unsay ikatambag mo nako, Tita Salie? Palihog intawon pasabta ko. Daghang salamat sa pagpakabana mo ning akong suliran.

* * *

Hello RR,

Good day. Ang kaminyoon nga live-in nahisama kini sa ilustrasyon nga nagtukod ka og balay diha sa ibabaw sa bonbon. Nga pag-abot sa baha dali matumba ug dili mapugngan. Ang kaminyoon nga live-in sama niini dili nimo mapugngan kay wala kamo’y kasal.

Ug dili ikalimod nga sa atong panahon karon aduna gayo’y mga tawo nga sama sa imong ka-live in nangita sa iyang kaugalingong kaayohan mabasa nato ni sa FILIPOS 2:21. Apan sa gihapon sulayi siya sa paghangyo tungod ug alang sa inyong mga anak. Ug magpakasal kamo kay mao kini gusto sa Diyos ug aron kamo mapanalanginan. Apan kondili siya maminaw ikaw na ang modesisyon. Bangon alang sa laing higayon. Ug seguroa ang maayong kaugmaon ug sa imong mga anak. -- Tita Salie