Jezebel

Akong nareyalisar nga wala ko’y laing mahimo kun dili ang pagpaundayon sa gusto ni Red. Wala ko’y choice. Mao nga midangop na sab ko sa gihimo kong konklusyon dihang gitugyan ko kang James ang akong pagkababaye. Dili na big deal kun makig-sex ko kang Red kay dili na man sab ko birhen nga pagkababaye.

“Sige,” giingnan ko si Red,” mosugot ko sa gusto mong mahitabo.”

“Good,” nakapanglitik si Red sa iyang tudlo.

Wala mag-usik og panahon si Red. Giapura ko niya nga mosulod na kami sa akong kuwarto sa servants quarter. Giablihan nako ang pultahan ug nanulod ming duha.

Igo lang nakong nasera ang palid sa pultahan, gilayog na ako ni Red. Iya kong gikaligoan og halok. Daw hangol kaayo si Red. Mura siya’g gutom nga leyon nga mikupog paghalok kanako. Nagkapulike ko’g dawat sa iyang mga halok.

Wala ko makatutol dihang gitangtang ni Red ang tanang salimbong sa akong lawas. Gisunod dayon niya’g hukas ang iyang gisul-ob. Mibalibad ko dihang iya na unta kong pahigdaon sa ibabaw sa kama.

“Ayaw dinhi,” maguwang sa hagawhaw ang akong tingog.

“Ngano man?” Nangutana siya.

“Moigot ning kama. Diri ta sa sawog.” -- Sumpayan pa