Nakagusto sa ‘sister’

Dear DJ Jacky G,

Dugay na’ng buwag sila mama ug papa. Wa man pud sila makasal. Karon, ang uyab ni mama, wa sa’y asawa pero naa’y anak. Two years na sila. Happy si mama ani’ng iya’ng uyab ron. Love kaayo nila ang usa’g usa.  Ang problema, mura man hinuon ko og naka-like ani’ng anak sa uyab ni mama!  Buotan man gud Jacky, unya g’wapa pa g’yud! Lambing kaayo siya nako kay big brother lagi kuno ko niya! Igsoon iya’ng tan-aw nako! Na!  Paet.  Unsaon ko man ni Jacky? - Kulas B.

Dear Kulas B.,

Uy Kulas, pagpuyo! Kun imo’ng pauyonan na’ng imo’ng gibati, nah, gubot pa’s lukot! Kun mo-fall pud siya nimo ug sugton g’yud ka, unya magminyo ang inyo’ng mga ginikanan, unsaon na man na ron? Kun di ka sugton kay igsuon ang iya’ng tan-aw nimo, mo-suffer sad ang inyo’ng relasyon kay makiwawan na kamo sa usa’g usa. Atimana, 2 years na’ng uyab ang imo’ng mama ug ang iyang papa. Seryoso na kana. Ayaw na sila hatagi og problema. Be happy for them. Ayaw na’g apil-apil sa eksena!  Ani’ng kinabuhi-a, dili nato makuha ang tanan nato’ng gusto. Just let it be.  Love her as a sister and nothing more. Daghan pa kaayo’ng lain diha.  Don’t complicate your life. – DJ Jacky G