Missing BF

Dear DJ Jacky G.,

Daghan na mi’g naagi-an nga trials sa akong uyab.  Sa una, nasakitan ko’g maayo mao na’ng nakig-buwag ko niya. Wa siya musugot kay love kuno kaayo ko niya. Sa wa pa’y January, naa mi nalalisan nga gamay’ng butang. Nidako man hinuon og maayo Jacky.  Almost one week na siya’ng wa mo-communicate. Di sad ma-contact iya’ng cell phone.  Wa na ko mahimutang. Unsa’y akong buhaton Jacky. - Miss J of Bais

Dear Miss J,

I’m sorry to hear nga dili maayo‘ng panghitabo ang nisugat nimo sa 2015. Pero dili pasabot ana nga dili na maayo ang imong tibuok tuig. You can still turn things around. Kun gusto g’yud ka’g kalinaw, pangita og paagi para ma-estorya siya. Katuod man kaha ka sa ila? I’m sure naa mo’y mutual friend nga mahimo nimo’ng mapangayoan og tabang para ma-contact siya. Most men avoid confrontation. Bahala’g wa’y klaro basta dili magkalalis. Kita’ng girls, bali. Bahala’g magkalalis basta kay klaro ang estado sa relasyon. Mao na’ng kun magbuwag na gani, ang uban’g laki, mukalit og kawagtang. Ang babaye, gusto g’yud og tarong nga estorya para naa’y closure.  Para mahimutang ka Miss J, pangitaa siya, pakig-estorya. Kay maayo o dili ang resulta, at least matubag na imo’ng mga pangutana. – DJ Jacky G

* * *

Kun gusto ka’ng ma-feature sa DDJJG, i-like akong FB fanpage ug i-private message imo’ng problema sa:  www.facebook.com/djjackyg  and follow me on IG:  www.instagram.com/djjackyg.  Mapaminawan ko ninyo sa radyo matag 9-11am, Mon-Fri sa MOR 97.1 Lupig Sila! For Life!