Jezebel
Gula 154
Niana’ng pagkaugma, nahinayon gayud ang paglarga ni James paingon sa Amerika. Walay puas ang among pagbayloay og text messages.
Sa iyang text, miingon siya nga gimingaw na siya nako bisan mao pa gani ang iyang paglarga. Gitambagan ko siya nga kinahanglang antoson namo ang kamingaw sa usa’g-usa.
Gimingaw ‘sab ko ni James apan dili maayo’ng magpadala ko sa akong gibati. Life must go on bisan wala si James. Gawas pa, walay kasegurohan kun makabaton ba’g katumanan ang among gugma. Wala ko maglaom nga may katumanan ang among relasyon.
Pagkagabii human sa panihapon, nananghid si Manang Ester nako nga ako na lay motiwas sa mga bulohaton sa kusina kay mopahulay na siya sa servant’s quarter. Lain kuno ang pamati sa iyang lawas. Mura’g kahilantanon siya.
“Ikaw na lang ‘sab ang mo-massage ni Mrs. Elvira Lim unya,” niya pa. Naandan na ni Mrs. Lim ang pagpamasahe ni Manang Ester matag gabii. Ug kay may kakulian man sa lawas si Manang Ester, ako lang una ang mobanos sa iyang bulohaton. Gihilot nako si Mrs. Elvira sulod sa iyang kuwarto pagkahuman sa tanan nako nga trabaho didto sa kusina. (Sumpayan)
- Latest
