Gihimong in-charge

Dear Tita Salie,

Hello! Good day to you and to the ones reading the “Pasabta ko” column.

By the way, just call me Serenity, single. Ang akong problema dili mahitungod sa lovelife o kaha sa friendship.

Nag-eskuyla pa man gud ko, Tita, apan ako na ang gihimong in-charge sa among shop. Ang akong amahan ang nagbuot niini ug dili ko makasupak. Dali ra unta ang maong trabaho kun wala koy laing atimanon. Apan nag-eskuyla pa man gud ko. Maglisod pa ko pag-handle sa duha ka butang ug dili pa nako kaya.

Palihog hatagi intawon ko sa imong mga nindot nga advice kay I really need it gyud especially this time.

* * *

Hi! I know nga gihatagan ka sa maong responsibilidad sa imong amahan tungod kay nasayod siya nga kaya nimo ang maong trabaho. Unya nagdaginot usab seguro ang imong amahan mao nga wala na lang siya magsuweldo og tawo nga mobantay sa inyong shop aron mo makadaginot sa kuwarta.

Ang maayo nimong buhaton mao nga imong pagkigsultihan ang imong papa ug ang tibuok nimong pamilya. Imong i-open ang imong concern ug imo silang sultihan sa imong problema kay tingali usab nagdahom lang sila nga kaya ra nimo ang imong pag-eskuyla bisan kun duna pa kay trabaho.

Mas maayo nga imong isulti kanila ang mao nimong problema aron daghan ang mutabang paghunahuna kun unsaon aron masulbad ang imong problema. Tingali kun dunay maka-offer og tabang sa pagbantay sa inyong shop. -- Tita Salie