Dagko’ng uwat

Dear Tita Salie,

Have a nice day. Just call me Billy Joe, 26 yrs of age, ulitawo.

Nagproblema man gud ko sa akong kaugalingon tungod sa akong dako ug sinaw pa gyud nga mga uwat. Lain gyud kini tan-awon kun mag-shorts ko. Tungod niini maulaw ko sa akong kaila ug bisan sa laing tawo kay ila mang tan-awon.

Usahay gusto na ko nga magpa tattoo aron matabonan ang mga uwat apan mahadlok pud ko nga dili dawaton kun mangaplay ko og trabaho. Ako ra bay gisaligan sa akong pamilya tungod kay ako man ang panganay. Maayo ra kaha ang ilang giingon nga scars removal? Palihog pasabta ko, Tita Salie. Thank you so much and more  power to your column.

* * *

Hello Billy Joe,

Nagtuo gyud ko nga babaye lang ang magproblema niining uwat-uwat sa panit. Maoy akong gituohan nga baliwala ra kini sa mga kalalakihan. Apan karon akong nasayran hasta pud diay ang mga lalaki magproblema usab niini.

Pero mora’g dili seguro kaayo problema alang sa lalaki ang uwat tungod kay puwede ra man nga magsige ra mo og pantalon. Kun moadto mo sa trabahoan magpantalon man gyud. Kun mosuroy o moadto sa simbahan pantalon gyud ang isul-ob. Dili sama sa babaye nga magpalda o sayal sa trabahoan ug moadto sa simbahan.

Apan kun ikaw mahilig sa sports dinhi na ka magproblema tungod kay dili man puwedeng mag-pants ka samtang magbasketball.

Ayaw usab pagpa tattoo kay modako ang imong problema ug ayaw usa karon buhata ang pagpa scars-removal kay maglisod pa ka kay ikaw ra ba ang gisaligan sa imong pamilya. Maoy unaha ang pinaka needed sa imong pamilya tungod kay mabuhi lang gihapon mo bisan dagko ug sinaw ang imong mga uwat. -- Tita Salie