Jezebel

Gula 130

“Adto ta sa akong kuwarto, Jezebel,” ni James pa.

Nakasabot ko sa tuyo ni James kun ngano’ng pasudlon ko niya sa iyang kuwarto. Gusto siyang mosawsaw. Apan dili mahimo’ng pahinuntan ko ang awhag sa iyang gusto.

“Dili ko,” gibalibaran ko siya. “Masakpan pa lang hinuon ta ni Manang Ester, tingali’g mabulgar ang atong relasyon sa dili pa tukma’ng panahon.”

“Ayaw kabalaka,” matud ni James. “Wa dinhi sa balay si Manang Ester karon.”

“U-unsa?”

“Gisugo ko siya sa pagpangompra sa downtown. Dugay-dugay pa kadtong mahiuli. Busa makalugar ta karon kay kita ra’ng duha ang nahibilin sa balay.”

Wala ko motingog. Misantop sa akong hunahuna nga maayo g’yud mangita’g higayon si James.

Ug dili g’yud siya magpabalibad nako.

“Dali na,” niya pa dayong sapwang nako ug gibaswat paingon sa iyang kuwarto.

Paghisulod namo sa kuwarto, iya dayon ko’ng gipahimutang sa ibabaw sa mahunolhunol niyang kama. Pagkahuman, gidali niya’g sera ang pultahan.

Mibalik dayon siya sa akong nahimutangan. Wala ko maglihok samtang naghigda nga naghayang sa kama.

“Maabtan gani ta ni manang Ester,” nako pa dihang gitagsa-tagsa niya’g panangtang ang tanang salimbong sa akong lawas. (Sumpayan pa)